apo kono eh jang?

Image credit to Jiwang.Org

Apo Kono Eh Jang?

( P: )

Jang oh Jang

Mano pulak poi eh budak bertuah ni

Sonyap yo...

Siaplah jang oi...

Kobau tu tak boghi makan laie

( L: )

Batu kikir jembatan bosi

Gulai udang sebelango

Cubo omak fikir dalam hati

Ayo ni bujang sudah lamo aih

( P: )

Apo kono eh jang kau monung ajo

Oghang ke bulan ekau di mano

Muko berpoluh apo teghosa

Carian ubek penawa duko

Poielah mandi hari dah tinggi

Jangan temonung menoman tanggo

Ke sawah kito menuai padi

Apo dikonang pekaro yang sudah

Si Milah kau gilokan

Orang dah masuk meminang

Mano den lotak muko

Kondak kau jang diambik orang

Biar omak cari an lain

Ompuk orang jangan diidam

Ha... tu lah, dulu laie den koba kan

Kojo jang... kojo.

Ni.. ke kobun maleh

Sawah liat pulak tu

( L: )

Ah.. Omak ni..

Sekolah tinggi tinggi takkan ke sawah do

Buek malu yo...

( P: )

Ndakkan anak orang tak payah beduit

Apolah nak jadi kau ni jang oi.. hai...

( L: )

Abih macano mak

Badan sey ni nak domam yo ghaso eh

( P: )

Dah den koba an dulu kumpo kan duit

Pinanglah copek ini kau tangguh an

Ke sawah kito mengumpo belanjo

Bekonan den si Milah buek menantu

Apo laie kau sosakan

Menghaung tak ado guno

Milah kawin minggu dopan

Melopong kau jang putih mato

Jangan laie dikonang konang

Asik dikonang merano badan

( L: )

Bekocak-kocak air di boting

Limau manih betaruk mudo

Bia becacak koghih dan lombing

Putih kuning den tarik juo

( P: )

Kau nak apo an si milah tu pulak

Jangan jang, malu omak

Kito yang susah nanti

( L: )

Sey tak kiro

Sey nak an juo Milah tu mak

Apo nak jadi, jadilah

( P: )

Dah di haruk setan ko budak ni

Dunio pun tak nampak laie...

( L: )

Ke jelobak ke jelobu

Tuai padi tigo tangkai

Kato ombung den...

Kato ongah den...

Kato ocu den

Podih nyo hati menanggung malu

Tak mati badan menghasa... Aih

( P: )

Apo kono eh jang...

nyanyian:  Mastura & Ally Noor